Disclaimer : This blog is not for any commercial purposes. * * * * * * ************************************ અમારા બ્લોગ પર મુકેલી દરેક રચના / કૃતિ -લેખ નાં સમગ્ર અધિકારો જે તે વ્યક્તિ કે સંસ્થાના છે. આ રચના / કૃત્તિ - લેખ ને અભિવ્યક્ત કરવાનો ઉદ્દેશ તેમના શ્રેષ્ઠ કાર્યને વિશ્વગુર્જરી સમક્ષ ફક્ત વ્યક્ત કરવાનું છે. કોઇ પણ રચના/ કૃત્તિ - લેખનો નો કોઇ પણ સંજોગામાં વાણિજ્યિક ઉપયોગ નહીં કરવામા આવે. આમ છતાં, જે કોઈ રચના / લેખ - કૃત્તિઓ અહીં પોસ્ટ કરવામાં આવેલ છે, જેને લીધે જો કોઇ વ્યક્તિ કે સંસ્થાના અધિકારોનો ભંગ થયેલો તેમને / કોઇને પણ લાગે તો અમને જાણ કરવા વિનંતી, તે રચના / કૃત્તિ - લેખ ની પોસ્ટ સત્વરે બ્લોગ પરથી દૂર કરી આપવામાં આવશે. બ્લોગ પર મુકેલ તસ્વીરો નેટ / વેબ જગત પરથી ઉપલબ્ધ કરેલ છે, જે માટે અમો વેબ જગતના આભારી છીએ. Dr.Pravin Purecha-Bhatia Thanks, Admin

Wednesday, May 11, 2011

60 - તજ

..
60 -તજ- પરિચય :
તજ એ એક તેજાનો છે. પ્રત્‍યેક ઘરમાં અવારનવાર તેનો જુદો જુદો ઉપયોગ થતો હોય છે. તજ એ ‘તજ’ ના જ નામથી ઓળખાતા ઝાડની છાલ છે. પાતળી તજ સારી ગણાય છે.
ગુણધર્મ :
તજ તીખી, મીઠી, કંઠને સુધારનાર, લઘુ, રુક્ષ, સહેજ કડવી, કિંચિત્ ગરમ અને પિત્તકર છે. તે કફ, વાયુ, હેડકી, ઉધરસ, ઊલટી, હ્રદયરોગ, ખરજ, આમ, પીનસ (નાકમાં થતો એક રોગ), ધાતુવર્ધક, સ્‍તંભક, તૃષાશામક અને મુખદોષનાશક છે. તે ઉપરાંત ગર્ભાશયની ઉત્તેજક અને સંકોચક હોવાથી સુવાવડ પછી લેવાથી ગર્ભાશયને દરેક પ્રકારે સામાન્‍ય બનાવે છે. તે દરેક પ્રકારના તાવને મટાડી શરીરને દોષમુકત કરે છે. તે સિવાય હ્રદય માટે પણ તે હિતકારી અને ઉતેજક છે. તે હ્રદયની દુર્બળતા દૂર કરી તેને મજબૂત બનાવે છે.
ઉપયોગ :
(૧) દુખતા દાંત ઉપર : તજના તેલનાં થોડાં ટીપાં પોલ (રૂ) પર લઇ તે પોલ દિવસમાં બે-ત્રણ વાર લગાડવું.
(૨) શરદી ઉપર : તજ, મરી અને આદુના રસમાં તજ અને મરીનું ચૂર્ણ નાખી તે રસ દિવસમાં બે વખત પીવો.
(૩) અલ્‍પ માત્રામાં તેનું સેવન કરવાથી તે વીર્યવર્ધક અને વાજીકર સાબિત થાય છે, પરંતુ વધુ માત્રામાં લેવાથી વીર્યનાશક અને નપુંસકતા લાવનાર હોઇ સમજીને તેનો ઉપયોગ કરવો.
(૪) થોડા પ્રમાણમાં લેવાથી હ્રદય માટે ઉત્તેજક અને પૌષ્ટિક હોવાથી તે હ્રદયને મજબૂત બનાવે છે.
(૫) થોડા પ્રમાણમાં લેવાથી અનિદ્રાની તકલીફ મટે છે.
(૬) થોડા પ્રમાણમાં લેવાથી પેટનું શૂળ મટે છે.
(૭) તજનો ઉકાળો પીવાથી ઊલટીની તકલીફ મટે છે.
(૮) તજ સ્‍ત્રીઓની માસિક તકલીફમાં ઉપયોગી છે. ગર્ભાશયનું શોધન કરી તેનું ફરીથી વ્‍યવસ્થિત સંકોચન કરવામાં તજ મદદરૂપ થાય છે.

No comments:

Post a Comment